Namnet ditt
er medvandrar
du som er fødd til å vera
du som er skapt til å gå
saman med dei andre
kjem du med duken
så finn eg termosen.
alle dei stripete skjortene
kan me likegodt eiga saman.
ein dag passar dei kanskje
meg
eller plutseleg
passar dei kanskje deg.
ein dag skal eg få rynker
og ein gong blir det du,
i dag eller i morgon
eller ein tysdag i november
me skal alle bera
og bli borne
medan det går over
og går under
medan me går gjennom
hjelpe oss
i vår velmakt,
vår avmakt og vår vanmakt.
det finst alltid nokon
ein eller annan
som har ei varm jakke å låna ut
saman står me i det.
Heidi
Ingen kommentarer:
Legg inn en kommentar