Kanskje det kunne vera eit kall

Det er fint
å sjå menneske
koma og gå.

Kanskje det
kunne vera eit kall.
nybakt grovbrød
og varm kaffi

til dei som tar i mot?

Kristi lekam og Kristi blod
i omskriven variant.

Dette eine viktige
å vera utstrekte armar

Plommesyltetøyet frå i fjor
skulle kunna duga.

Gud i di store nåde
gi meg kloke auge
som kan skilja det viktige
frå alt dette andre.

Om eg stengjer
hjartet mitt,
kva skulle då halda det ope?

I mine hender ber eg tida inn
ber eg tida vekk.

Måtte dagane
koma og koma
Måtte bu i dei
med heile meg.

Med alt det uperfekte.

La meg halda ope
det som ope vera skal,
brødboksen og kaffiboksen.