Eg plukkar smil på gata

Eg plukkar smil på gata,
tek dei frå ansikta til folk
gøymer dei i lommene.

Eg samlar varme blikk.
ikkje alle er til meg,
men det betyr lite.

På bussane
høyrer eg
lyden av det gode

eg ser ofte
vennlege fotspor
i varm sand.

Ein veit aldri sikkert
om folk har englevenger
under ytterjakkene sine.

Eg ryddar unna rotet
for å gje plass for det gode.
i ein haug midt på bordet.

Så kan eg seia
hei her er eg,
ein samlar av det gode.

Forresten så er eg
ei gåve sjølv og

ei gåve med pust
og rørsle.

Eg finn fram glas
og store krukker
for nå skal eg samla liv

la dropane fylla glasa
til dei mest renn over

eg kunne ha drukke
men heller gir eg det bort

til ei gammal tante kanskje
eller
til ein tilfeldig forbipasserande
kan hende.

Heidi